Саха тылын уонна литературатын, кэпсэтии тылын, хотугу омуктар тылларын олимпиадатыгар өрөспүүбүлүкэтээҕи түмүктүүр түһүмэҕэ

Олунньу ый 3-4 күннэригэр Дьокуускай куорат Национальнай гимназиятыгар саха тылын уонна литературатын, кэпсэтии тылын, хотугу омуктар тылларын олимпиадатыгар өрөспүүбүлүкэтээҕи түмүктүүр түһүмэххэ Абый, Алдан, Анаабыр, Томпо, Үөһээ Бүлүү, Бүлүү,  Ньурба, Мэҥэ-Хаҥалас, Таатта, Амма, Чурапчы, Өймөкөөн, Уус-Алдан, Хаҥалас, Горнай, Нам, Кэбээйи улуустарыттан уонна Республиканскай лицей-интернаттан, Дьокуускай куораттан барыта 160 оҕо кэлэн күөн көрүстүлэр, билиилэрин тургутустулар. Ол иһигэр саха тылыгар-42, саха литературатыгар-56, кэпсэтии тылыгар-43, эбээн тылыгар-7, эбэҥки тылыгар-9, чукча тылыгар-1, юкагир тылыгар-2  үөрэнээччи кэлэн кыттыыны ылла. Олимпиадаҕа кэлэн кыттыбыт,  миэстэлэспит оҕолорго үөрүүлээх быһыыга-майгыга туоһу сурук, диплом уонна мэтээл туттарылынна. Оҕолорун бэлэмнээбит, арыаллаан аҕалбыт учууталларбытыгар улахан махталбытын тиэрдэбит. Сыралаах үлэҕитигэр ситиһиини, табыллыыны, үчүгэй түмүккүт үксүү турдун.

Дьүүлүүр сүбэҕэ үлэлээтилэр: саха тылыгар уонна кэпсэтии тылын олимпиадатыгар Үөрэҕи сайынарар уонна идэни үрдэтэр институттан Шишигина В.Р., Саввинова А.М., Ядрихинская Ф.В, саха литературатын олимпиадатыгар Музыка уонна фольклор музейын сүрүн научнай үлэһитэ Ноговицын А.П., Гуманитарнай чинчийии институт научнай үлэһиттэрэ Ефремова Е.М., Карманова С.Е.

Олимпиада түмүктэрин мантан ылыахха сөп.

Запись опубликована в рубрике Новости. Добавьте в закладки постоянную ссылку.

Добавить комментарий