Хатаска «Smart» математическай олимпиада

Бэҕэһээ, алтынньы 24 күнүгэр Хатас оскуолатыгар “Smart” диэн куорат таһынааҕы нэһилиэктэр оскуолаларын икки ардыларыгар английскай тылынан математическай олимпиада ыытылынна.  

Манна Хатас, Маҕан, Тулагы, Марха оскуолаларыттан уопсайа 62 кыттааччы кытынна. Бу олимпиада сыл аайы 5-9 кылаастарга анаан ыытыллар. Үөрэнээччилэр туох баар өйдөрүн-санааларын барытын ууран, кыһаллан туран кыттыбыттара үөртэ. Маннык олимпиада сыллата ыытыллара үтүө үгэскэ кубулуйда. Бу олимпиада сүрүн сыала-соруга  оҕо саныыр санаатын сааһылаан этиэхтээх, бэриллибит бириэмэҕэ логическай эппиэтин сөпкө тиэрдиэхтээх, английскай тылынан математиканы дириҥник үөрэтии, английскай тылы уонна информационнай технологияны үчүгэйдик баһылааһын буолар.  

Кылгас тохтобул кэмигэр оҕолор олимпиада түмүктэрин истиэхтэригэр диэри Хатас оскуолатын Сэбиэтин үрдүкү кылааһын үөрэнээччилэрэ атын оскуола оҕолоругар анаан сэргэх оонньуулары ыыттылар, наҕараада кэмигэр тыыннаах доҕуһуолунан кэрэ ырыаларын бэлэхтээтилэр. Уопсай түмүк маннык буолла. Бэһис кылаастарга 1 миэстэни ылла Кристина Васильева (ХСОШ), 2 миэстэни Арина Алексеева (СОШ №12), 3 миэстэ Александр Оконешников (ХСОШ), алтыс кылаастарга 1 миэстэ Александр Пермяков (Маҕан), 2 миэстэ Яна Тараярова (СОШ №12), 3 миэстэ Лилиана Бястинова (Тулагы), сэттис кылаастарга 1 миэстэни ылла Станислав Лугинов (Тулагы), 2 миэстэ Тимур Слепцов (ХСОШ), 3 миэстэ Владимир Николаев (СОШ №12), ахсыс кылаастарга 1 миэстэ Мичийэ Иванова (Тулагы), 2 миэстэ Николай Слепцов (ХСОШ), 3 миэстэ Камила Колесова (ХСОШ), тохсус кылаастарга 1 миэстэ Алина Куличкина (ХСОШ), 2 миэстэ Динара Чикачева (ХСОШ), 3 миэстэ Кира Керегяева (ХСОШ).  

Туох баар кыттыбыт үөрэнээччилэри барыгытын истиҥник эҕэрдэлиибит!  

Наталья Корнилова  

Хаартыскаларга:  

Олимпиада кыайыылаахтарын наҕараадалааһын  

  

Запись опубликована в рубрике Новости. Добавьте в закладки постоянную ссылку.

Обсуждение закрыто.